Welcome to Farg'ona Viloyati Statistika Boshqarmasi   Click to listen highlighted text! Welcome to Farg'ona Viloyati Statistika Boshqarmasi Powered By GSpeech

O`zbekiston Respublikasi Vazirlar Mahkamasining 2018 yil 20 oktyabrdagi 841-son qarori bilan tasdiqlangan 2030 yilgacha bo`lgan davrda barqaror rivojlanish sohasidagi milliy maqsad va vazifalarni amalga oshirish bo`yicha “YO`L XARITASI”ga muvofiq O`zbekiston Respublikasi Davlat statistika qo`mitasiga Milliy BRM veb-saytini yaratish vazifasi yuklatilgan edi.

Ushbu topshiriqning ijrosini ta`minlash, shuningdek, Milliy Barqaror rivojlanish maqsadlarining bajarilishini monitoring qilish maqsadida Birlashgan Millatlar Tashkilotining Taraqqiyot dasturi ko`magida Milliy BRM veb-sayti ishlab chiqildi.

Mazkur veb-sayt O`zbekiston Respublikasi Hukumati tomonidan BMTning xalqaro darajada qabul qilingan ko`rsatkichlari asosida ishlab chiqilgan barqaror rivojlanish maqsad va vazifalarini bajarilishini kuzatib borish imkonini beruvchi axborot resurslaridan markazlashgan holda foydalanish uchun mo`ljallangan.

Hozirgi vaqtda veb-sayt http://nsdg.stat.uz manziliga joylashtirilgan bo`lib, test rejimida ishlamoqda.

 

Axborot xizmati

2019 yil 31-may kuni O`zbekiston Respublikasi Davlat statistika qo`mitasi va Birlashgan Millatlar Tashkilotining aholishunoslik jamg`armasi (yuNFPA) tomonidan O`zbekiston Respublikasida 2022 yilda bo`lib o`tadigan aholini ro`yxatga olish bo`yicha davra suhbati tashkil etildi.

Toshkentdagi "Miran International Hotel" mehmonxonasida, 2022 yilga mo`ljallangan O`zbekiston Respublikasi aholisini ro`yxatga olish rejasi bilan tanishish hamda uni samarali amalga oshirish bo`yicha tegishli vazirlik va idoralar, xalqaro tashkilotlar hamda ommaviy axborot vositalari vakillari ishtirok etishdi.

Shuningdek, mazkur davra suhbatida xalqaro ekspertlar jumladan, MDH Statistika qo`mitasining ijtimoiy-demografik statistika departamenti boshlig`i Irina Zbarskaya, yuNFPAning xalqaro eksperti Galina Sherbakova va yuNFPAning Mintaqaviy vakolatxonasi aholi va rivojlanish bo`yicha dastur mutaxassisi Gulnara Kadirkulovalar o`z ma`ruzalari bilan ishtirok etishdi.

Qo`mitaning Demografiya va mehnat statistikasi boshqarmasi boshlig`i Behzod Shodiev O`zbekiston Respublikasida aholini ro`yxatga olish yuzasidan amalga oshirilayotgan ishlar bo`yicha ma`lumot berdi.

Ushbu davra suhbatidan ko`zlangan asosiy maqsad xalqaro tashkilotlar bilan hamkorlik yo`nalishlarini belgilab olish hisoblanadi.

Davra suhbatida Davlat statistika qo`mitasi bilan tadbirga aloqador vazirlik va idoralar mas`ul xodimlari, shuningdek, xalqaro ekspertlar ishtirokida aholini ro`yxatga olishga tayyorgarlik ko`rish va uni o`tkazish bilan bog`liq xalqaro tavsiyalar va tajribalar muhokama etildi.

 

Axborot xizmati

Hisobot taqdim etuvchi sub`ektlar diqqatiga!

O`zbekiston Respublikasi Prezidentining 2018 yil 12 noyabrdagi PF­5574-son “2019 yilda rasmiy sanalarni nishonlash davrida qo`shimcha ishlanmaydigan kunlarni belgilash va dam olish kunlarini ko`chirish to`g`risida”gi Farmoni munosabati bilan, davlat statistika hisobotlari shakllarini taqdim etish muddati o`zgartirildi:

     7 iyundan kechiktirmay

 

 - 2-narx (oylik) “Sanoat korxonasining xarid qilingan moddiy resurslari o`rtacha narxlari to`g`risida hisobot”

  • 1-ruhsatnoma (oylik) “Qurilish-montaj ishlarini amalga oshirishga berilgan ruhsatnomalar to`g`risida hisobot”

      -     1-K (oylik) “Tashkilot faoliyati to`g`risida hisobot”

  • 1-K shakliga ilova (savdo) (oylik) “Hududiy alohida bo`linmalarga ega bo`lgan yuridik shaxslarning ulgurji va chakana savdo tovar aylanmasi to`g`risida hisobot”
  • 1-K shakliga ilova (sanoat) (oylik) “Hududiy alohida bo`linmalarga ega bo`lgan yuridik shaxslarning sanoat mahsuloti ishlab chiqarish to`g`risida hisobot”
  • 1-K shakliga ilova (xizmat) (oylik) Hududiy alohida bo`linmalarga ega bo`lgan yuridik shaxslar tomonidan ko`rsatilgan xizmatlar to`g`risida hisobot

 

          Shu bilan birga, Davlat statistika qo`mitasi serverlari kechayu kunduz ishlashini va Siz xohishingizga qarab hisobotlarni belgilangan muddatdan avval yuborishingiz mumkinligini ma`lum qilamiz.

 

 

 

 

Axborot xizmati

O‘zbekiston Respublikasi Prezidentining 2019 yil 20 maydagi PQ-4324 raqamli qarori bilan Zoxidjan Muratovich Ziyaev O‘zbekiston Respublikasi Davlat statistika qo‘mitasi raisining axborot-kommunikatsiya texnologiyalari va axborot-xavfsizligi bo‘yicha o‘rinbosari lavozimiga tayinlandi.

Zoxidjan Muratovich Ziyaev 2007 yilda Toshkent axborot texnologiyalari universiteti bakalavr bosqichini, 2010 yilda Sankt-Peterburg davlat telekommunikatsiyalar universiteti magistratura bosqichini, shuningdek 2018 yilda O‘zbekiston Respublikasi Prezidenti huzuridagi Davlat boshqaruvi akademiyasini tamomlagan.

Zoxidjan Muratovich Ziyaev 2010-2012 yillar mobaynida “O‘zbektelekom” aksiyadorlik kompaniyasida, 2012-2015 yillarda O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasida bo‘lim boshlig‘i, 2015-2017 yillarda O‘zbekiston Respublikasi Axborot texnologiyalari va kommunikatsiyalarini rivojlantirish vazirligida boshqarma boshlig‘i, 2017-2019 yillar oralig‘ida O‘zbekiston Respublikasi Vazirlar Mahkamasida turli lavozimlarda faoliyat yuritgan.

Oilali, ikki nafar farzandi bor.

 Axborot xizmati

2019 yil 22 may kuni Jahon iqtisodiyoti va diplomatiya universitetida “Mamlakatimizning statistika salohiyatini oshirish, statistik ma`lumotlarning ochiqligini ta`minlash” mavzusida “Davra suhbati” bo`lib o`tdi.

Tadbirda, Davlat statistika qo`mitasi, Jahon iqtisodiyoti va diplomatiya universiteti o`qituvchilari va talabalari hamda ommaviy axborot vositalari vakillari ishtirok etdi.

Davra suhbatida ta`kidlanganidek, O`zbekiston Respublikasi Prezidentining 2019 yil 9 apreldagi “Davlat boshqaruvining ochiqligi va shaffofligini ta`minlash hamda mamlakatning statistika salohiyatini oshirish yuzasidan qo`shimcha chora-tadbirlar to`g`risida”gi PQ-4273-son qaroriga asosan, Davlat statistika qo`mitasi, davlat organlari va tashkilotlarining ochiq ma`lumotlar to`plamlari ro`yxatini shakllantirish, yuritish va yangilash hamda tegishli axborotlarning O`zbekiston Respublikasi Ochiq ma`lumotlar portali (data.gov.uz)da o`z vaqtida aks ettirilishi bo`yicha faoliyatini muvofiqlashtirish uchun mas`ul etib belgilandi.

Shuningdek, davlat statistika organlarida amalga oshirilayotgan ishlardan ko`zlangan asosiy maqsad, O`zbekiston Respublikasida bo`layotgan ijtimoiy-iqtisodiy o`zgarishlar va islohotlar to`g`risidagi ochiq va haqqoniy ma`lumotlarni xalqaro tashkilotlarning ma`lumotlar bazalarida hamda yetakchi xalqaro reytinglarda aks ettirilishini ta`minlash ekanligi alohida e`tirof etildi.

Ta`kidlanganidek, statistik axborotlarning maksimal darajada ochiqligini ta`minlash maqsadida e`lon qilinadigan ko`rsatkichlar tarkibi qayta ko`rib chiqilib, kengaytirildi. Qo`mitaning rasmiy veb-sayti tahliliy ma`lumotlar, byulletenlar, doklad va press-relizlar bilan muntazam ravishda boyitib borilmoqda.

Shuningdek, Davlat statistika qo`mitasining mas`ul xodimlari tadbir ishtirokchilarini qiziqtirgan boshqa savollarga ham atroflicha javob qaytardi.

 

Davlat statistika qo`mitasi Axborot xizmati

Tugmani bosing Tinglash