Farg‘ona viloyati statistika boshqarmasi ma’lumotlariga ko‘ra, 2026-yilning yanvar–mart oylarida Buvayda tumanida asosiy kapitalga yo‘naltirilgan investitsiyalar hajmi 561,1 milliard so‘mga yetdi.
Investitsiyalar tarkibida xorijiy investitsiyalar va kreditlarning ulushi 88,8 foizni tashkil etgani Buvayda tumanining xalqaro investorlar e’tiborini tortayotgan hududlardan biriga aylanib borayotganini ko‘rsatmoqda.
Investitsiyalarning qolgan qismi esa ichki manbalar hisobidan moliyalashtirilgan bo‘lib, bu mahalliy iqtisodiyotning ham faollashayotganidan darak beradi:
Aholi mablag‘lari — 4,4 foiz
Respublika budjeti mablag‘lari — 3,1 foiz
Korxona va tashkilotlarning o‘z mablag‘lari — 2,4 foiz
Tijorat banklari kreditlari va boshqa qarz mablag‘lari — 1,3 foiz
Buvayda tumanida investitsion faollikning ortishi sanoat, xizmatlar va tadbirkorlik sohalarining rivojlanishiga kuchli turtki bermoqda.
