Farg‘ona viloyati iqtisodiyotida moliya xizmatlari sohasi izchil rivojlanishda davom etmoqda. Viloyat statistika organlarining dastlabki ma’lumotlariga ko‘ra, 2026-yilning yanvar–aprel oylarida moliya xizmatlari hajmi 3 trillion 372,6 milliard so‘mga yetdi.
Ushbu ko‘rsatkich 2025-yilning mos davriga nisbatan 25,3 foizga o‘sgani bilan e’tiborga loyiq.
Moliya xizmatlari hajmining kengayishi aholi va tadbirkorlik subyektlari uchun moliyaviy imkoniyatlarning oshishiga xizmat qilmoqda. Xususan, raqamli bank xizmatlarining jadal rivojlanishi, onlayn to‘lovlar va masofaviy moliyaviy operatsiyalar ulushining ortishi soha taraqqiyotining muhim omillaridan biri bo‘lmoqda.
