Farg‘ona viloyati statistika boshqarmasining dastlabki ma’lumotlariga ko‘ra, 2026-yilning yanvar–aprel oylarida viloyatda kompyuterlar va maishiy tovarlarni taʼmirlash xizmatlari hajmi 517,4 milliard so‘mni tashkil etdi.
Mazkur ko‘rsatkich o‘tgan yilning mos davriga nisbatan 10,2 foizga oshib, ushbu xizmat turiga bo‘lgan talab barqaror ravishda ortib borayotganini ko‘rsatmoqda.
Aholi va tashkilotlar tomonidan kompyuter texnikalari, maishiy elektronika va turli jihozlardan foydalanish ko‘lamining kengayishi taʼmirlash xizmatlariga bo‘lgan ehtiyojni yanada kuchaytirmoqda. Shu bilan birga, servis markazlari faoliyatining rivojlanishi va xizmatlar sifatining yaxshilanishi soha taraqqiyotiga ijobiy taʼsir ko‘rsatmoqda.
